بقلم خالد خميس
-اللعب علي المكشوف
انها عصابات وليست دول يدل ان الرئيس السيسي رجل قوي الشر غير قادره عليه
التهديد باغتيال الرئيس السيسي من قوي الشر
ماهو الا تهديد عصابات غير قادرة علي المواجهة مع رجل كل مافعله هو بناء بلده
التهديد جاء لان الرئيس قاد تنميه في مصر
52 فدان لبناء ميناء طابا
وخط سكه حديد طابا العريش وخط السخنه العلمين
إعادة قناة السويس التي إعادة عافيتها
ان تلميح اشبه بالتهديد عبر صفحات جورنال جورسليم بوست باغتيال الرئيس عبد الفتاح السيسي
ليس عندهم اى أدوات تانية ينفع يتعاملوا بها مع الرئيس السيسي والتجربة المصرية من 30 يونيو لليوم
راهنوا على تكرار لعبة 25 يناير وفشلت ..
كل سنة دعوات للتظاهر في نفس التاريخ وحتى في تواريخ تانية وفشلوا
راهنوا على مطاريد الاخوان وقضايا زي علاء عبد الفتاح وظهير الاخوان جوا مصر من تيار حقوقي وخلايا نائمة وفشلوا
راهنوا على الإرهاب في سيناء ولا حتى اللى جاى من ليبيا وفشلوا
راهنوا على تمدد الفوضى من السودان لـمصر وفشلوا
حاولوا تسخين المصرين على اللاجئيين على امل يحصل اقتتال اهلي وفشلوا
راهنوا على تاليب الراى العام بملف سد الضحك الاثيوبي والنهاردة الحبشة بتتغربل زلازل وبراكين بسبب السد والشعب المصري اثبت انه تقيل وراسي ومش كلمة توديه وكلمة تجيبه في ملف مهم زي المية
راهنوا على الديون ولا أزمات اقتصادية عالمية ولا تسخين وصناعة الغليان في الداخل باصطياد أخطاء بعض الوزراء وفشلوا ..
راهنوا على ارتفاع الأسعار وعلى ملفات حساسة زي الدعم والخبز والوقود وفشلوا ..
راهنوا على ملل المصريين وانهم ينسوا خراب يناير وينزلوا تاني وفشلوا
راهنوا على انفجار الغزاويين في وش مصر وفشلوا ..
على صواريخ الحوثي تقفل القناة .. على ان الشعب المصري يفتتن بالنموذج السوري ويتطالب بنموذج أبو محمد الجولاني وهيئة تحرير ارض الكنانة وفشلوا ..
راهنوا على انشقاق في الجيش او خلافات بين الأجهزة او ان الشائعات اليومية حولين شخصيات بعينها هيولع في وعي الشعب ومحصلش
راهنوا على لجان الكترونية شغالة فتن ..
فتن ماتشات كورة وفتن طائفية وعنصرية وتهييج على اى شخصية عامة في الفن والكورة عشان يحولوا الشعب لشعب موتور جاهز للانفجار ومحصلش
حرضوا كل من هب ودب ضد البلد ومن جوا البلد ومحدش اتحرك..
خلاص بقا الحل الوحيد هو إزاحة الرجل الاستثنائي من مكانه ..
فان التلميح الصهي*وني باغتيال الرئيس عبد الفتاح السيسي معناه افلاسهم ..
مش عارفين يتعاملوا مع الراجل الكبير . جابوا اخرهم معاه ومش نافع يقنعوه او يتفاهموا معاه باى حاجة..
أول مرة رئيس امريكي يتكلم بالشكل العلني انه مصر تاخد الفلسطينين على ارضها وأول مرة يبقا في معادلة الصراع العربي الإسرائيلي مفيش سوريا نهائي كانها مش موجودة على الخريطة وبرضو بكل خلافتنا مع حماس كانت عبقرية الدولة المصرية انها بتتجاوز الخلافات دي وبتعتبرهم مقاومة وحوائط صد وقت الازمات وعمرنا ما طعنا في اى مقاوم ضد إسرائيل وقت الحروب حتى لو كان المقاوم دا ليه فصول ضد الامن القومي المصري زي ما حصل في يناير 2011 لما حماس وحزب الشيطان بلبنان اقتحموا السجون المصرية وهربوا سجناء حماس وحزبهم من السجون المصرية بدعم لوجستي من ايران الخميني والبعث السوري
الرئيس السيسي رد ع الكلام دا ف المؤتمر الصحفي التاريخي اللى حللنا كل تصريحاته من يومين .. قال بالنص “المنطقة فيها أمة ليها موقف في هذا الأمر، أنا موجود في مكاني أو مشيت منه.. في أمة ليها موقف” ..
الامة هنا هي الامة المصرية .. والموقف هو الرفض .
. والرئيس قالها صراحة انا موجود او مشيت مصر باقية وهتكمل نفس الموقف
الرئيس رد الرد اللى راجل زيه بيعرف يرده كويس .. 52 فدان في جنوب سيناء عشان ميناء طابا البحري الدولي ..
البحر الأحمر عبر التاريخ بحيرة مصرية وسوف يظل بحيرة مصرية..
وجزء من هيجان الغرب وإسرائيل هو مشاريع التنمية اللي بتعتبر شرايين تجارية .. خط سكة حديد طابا العريش هيخدم على ميناء العريش .. خط سكك حديد السخنة لـ العلمين الجديدة.. ميناء ومطار راس الحكمة .. قناة السويس بدات تسترد عافيتها .. انت قدام بطل بدرجة رئيس جمهورية اتمني نفضل فاكرين كويس اللى بيحصل مع مصر ورئيس مصر دلوقتي عشان اللى بيزايد علينا وعلى بلدنا ورئيسنا كل شوية وعشان مش كل شوية ترجعوا تاني لاسطونات ايران والبعث السوري والاخوان اننا بعنا وخونا وفرطنا مصر لو باعت ساعة واحدة القضية الفلسطينية هتنتهي انا مش مطلوب مني غير انى افتح الحدود ساعة واحدة واسيب القصف الاسرائلي للسكان في غزة يدفعهم للاراضى المصرية وبكدا تبقا القضية الفلسطينية احتضرت على مذبح الحدود المصرية
فلو مستر ترامب عايز يسمع ويعرف هنسمعه صوت اقدم امة في التاريخ وإنها كتلة واحدة وعلى قلب راجل واحد شعب وجيش ورئيس